nazarbaev

Мемлекет басшысы Н.Назарбаевтың Қазақстан халқына
2017 жылғы 31 қаңтары жолдауы.

Цифрландыру - жетістік кепілі

Мемлекетті басқарудың тиімділігі, оның экономикалық және әлеуметтік дамуы, қорғанысы мен қауіпсіздігі көптеген жағдайларда геодезиялық және картографиялық материалдардың өзектілігі мен дәлдігіне тәуелді болады. Тиімділігі жоғары геодезиялық және картографиялық қамтамасыз ету жүйесін және кеңістік деректерінің инфрақұрылымын жасамай бұл міндеттерді шешу мүмкін емес әрі бұлардың дамуы өзара тығыз байланысты

 

Shikpaev

Ақылбек Шпикпаев, Ауыл шаруашылығы министрлігі Жер ресурстарын басқару комитеті «Казгеодезия» РМҚК бас директоры, «Құрмет» орденінің иегері

Қазақстан Республикасының Ауыл шаруашылығы министрлігі Жер ресурстарын басқару комитетінің «Қазгеодезия» РМҚК республиканың аумағын жергілікті жерлердің заманауи жағдайына сай келетін топографиялық геодезиялық және картографиялық өнімдермен қамтамасыз ету мақсатында Үкімет қаулысымен 2010 жылы құрылды. РМҚК және еліміздің түрлі өңірлерінде орналасқан 8 филиалы өзінің өндірістік әлеуеті, жоғары білікті мамандары мен техникалық жарақтануы, орындалатын цифрлы аэротүсірілім, топографиялықгеодезиялық және картографиялық жұмыс түрлері бойынша геодезия және картография саласындағы ең ірі кәсіпорын.

Президентіміздің Жолдауына сәйкес кәсіпорында жаңғырту жос­пары әзірленді, оның негізгі міндеті жоғары технологиялы, бәсекелестікке қабілетті және инвестициялық жағынан тартымды компанияны дамыту болып табылады. Мемлекетті тиімді басқару, оның экономикалық және әлеуметтік дамуы, қорғаныс және қауіпсіздігі өзекті және жоғары дәлдіктегі геодезиялық және картографиялық материалдарды қажет етеді. Заманауи сатыда бірдебір сала жергілікті жердің картасы, жоспары және басқа да картографиялық ақпараттарсыз жұмыс істей алмайтынын сеніммен айта аламыз.

Біздің мекеме жұмысының нәтижесі де сол дәл, өзекті және заманауи картографиялық және геодезиялық материалдар дайындау болып табылады. Бүгінде біз өз жұмысымызда шұғылдылықты, дәлдік пен сапалы мәліметтер алуға мүмкіндік беретін жоғары дәлдіктегі геодезиялық және аэротүсірілімдік құрылғыларды пайдаланамыз. Жанжақты цифрландыруға көшіп жатқан ғасырда «Қазгеодезия» РМҚК да уақытпен бірге қадам басып келеді.

Кәсіпорын толығымен заманауи цифрлы технологияға ауысты, бұл барлық жұмыс түрлерін табысты орындауға мүмкіндік береді. Цифрлы технологиялар мәселелердің шешімін тапты, ақпараттарды жылдам және сенімді дайындау, ауыстыру және сақтауға болатын болды. Цифрлы аэротүсірілім және оның материалдары бойынша цифрлы топографиялық жоспарлар мен карталар жасаудың заманауи тәсілі игерілді және енгізілді. Мұның негізгі ерекшелігі сонда - цифрлы аэротүсірілімнен бастап дайын өнім - цифрлы топографиялық жоспарды жасауға дейінгі барлық технологиялық тізбекті бір кәсіпорын орындайды, бұл өз кезегінде жұмысты біріздендіріп, еңбектің сапасы мен өнімділігін арттырады.

РМҚК өз қаражаты есебінен материалдық-техникалық базасын заманауи геодезиялық құралдармен, компьютерлік және арнайы бағдарламалық қамтамасыз ету өнімдерімен, сондай-ақ арнайы мақсаттағы көліктермен жаңартып алды. Өндірісті жаһандық жаңғырту және цифрландыру шеңберінде «Қазгеодезия» РМҚК жаңа уақыт талаптарына сай өндірістің мынадай негізгі бағыттарын дамытуда: GPS Navstar және ГЛОНАСС деректерін пайдалана отырып жоғары дәлдікті жерсеріктік позициялау, ұшқышсыз ұшу аппараттарын қолдана отырып әуеден лазерлі сканерлеу, ғарыш аппараттарынан Жерді қашықтықтан зондтау деректерін пайдалану, ішкі су айдындары түбі мен жағалау маңы қайраңының топографиялық карталарын жасау бойынша гидрографиялық жұмыстар (Батиметриялық түсірілім), географиялық ақпараттық жүйелер (ГАЖ), кеңістік деректерінің ақпараттық базасын жасау, 3D модельдеу және 3D карталар жасау. Дегенмен мемлекеттік спутниктік геодезиялық желіні жаңартпай бұл бағыттарды дамыту мүмкін емес.

 Себебі Қазақстан Республикасының КСРОдан мұраға қалған мемлекеттік геодезия желісі моральдық қана емес, физикалық жағынан да ескірді, сонымен бірге СК42 координаттар жүйесінде гриф болғандықтан геодезиялық және картографиялық және экономика мен өндірістің түрлі саласы туралы мәліметтер алуды қиындатады, мемлекеттік емес құрылымдардың, заңды және жеке тұлғалардың, шетелдік инвесторлардың оған қолжетімділігін тежейді.

Бұдан бөлек, геодезияда қалыптасқан технологияларды пайдалану оның жұмысын қымбаттатып жібереді. Ресейді қоса алғанда Австралия, Австрия, Канада, АҚШ, Франция ГФР, Швейцария және басқа бірқатар елдер 1990 жылдардан бастап спутниктік, телекоммуникациялық және геоақпараттық технологияларды пайдалана отырып бірыңғай ұлттық геодезиялық жүйелер кеңістігіне көшу арқылы өздерінің геодезия желісіне түбірімен жаңғырту жасады.

Осыған байланысты 20172020 жылдарға арналған «Цифрлы Қазақстан» мемлекеттік бағдарламасына «Мемлекеттік спутниктік геодезиялық желі жасау және Қазақстан Республикасы мемлекеттік геодезиялық желісін жаңғырту» жобасы енгізілді. Бұл жобаның мақ­саты - жаһандық навигациялық спутниктік жүйені енгізу арқылы республикамыздың мемлекеттік геодезиялық қамтамасыз ету жүйесін жаңғырту. Жоба Қазақстанды жоғары дәлдікті спутниктік позициялау саласында дамудың жаңа деңгейіне шығаруға және координаттардың ұлттық жүйесін жасауға мүмкіндік береді.

Осыған орай Қазақстан Республикасы осы заманғы автоматтандырылған және жоғары дәлдіктегі геодезиялық жүйеге ие бола отырып, Қазақстан Республикасының кеңістіктік мәліметтерінің Ұлттық инфрақұрылымын жасауға кірісе алады. Осы жоба ел масштабында алғаш рет іске асырылып отырғандықтан, «Қазгеодезия» РМҚК мамандары оқытылып шықты, оның нәтижесінде қанатқақты жоба жасалды - бес референц стансадан тұратын жеке спутниктік геодезиялық желі, олардың деректерін әзірге тек цифрлы аэро­түсірілім өндірісінде және шартты жұмыстарды орындау кезінде статикалық режімде пайдаланып отырмыз.

 «Қазгеодезия» РМҚКнің осыған балама жұмыстарды жүзеге асыруда өз тәжірибесі бар. 2012 жыл­дан бастап 2014 жыл бойына кәсіпорын басқару үдерісін автоматтандыру арқылы әуе кемелерінің қауіпсіз ұшуын қамтамасыз ету мақсатында еліміздің 20 әуежайында Бүкіл­әлемдік геодезиялық координаттар жүйесі - 1984 (WGS84) енгізу жұмыстарын орындады. Бұл жұмыстар Халықаралық азаматтық авиация ұйымы (ІСАО) тарапынан жоғары бағасын алды.

Жеке аумақтарды түсіруге арналған аэрофототүсірілімнің дәстүрлі тәсілдерінен басқа ұшқышсыз ұшу аппараттарын пайдалана отырып түсіру мүмкіндіктері қарастырылуда. БПЛА көмегімен аэрофототүсірілім жасау жүйесі әрдайым жетілдіріліп және дамытылып отыр, бүгінгі таңдағы жаңа бағыттардың бірі БПЛА пайдалана отырып әуеден лазерлі сканерлеу болып табылады. Әуеден лазерлі сканерлеу технологиясы мұнайгаз саласында, құрылыста, электр энергетикасында, археологияда, сондайақ түрлі маңыздағы жолдарды қайта жаңарту және жөндеу кезінде белсенді қолданылады.

Әуеден лазерлі сканерлеу тәсілін «Қазгеодезия» РМҚК WGS84 азаматтық авиацияға енгізу кезінде әуежайдың бақылау нүктесінен 15 шақырым радиустағы әуе кемесінің ұшуына кедергі кел­тіретін нысандарды анықтау кезінде қолданды. Кәсіпорын мамандары осы қол жеткізген жетістіктерімен тоқтап қалмай кеңістік деректерін алу және цифрлы топографиялық карталарын (жоспарларын) жасау үшін шетелдік компаниялардың тәжірибесін мысалға ала отырып ALS80, RIEGL VQ1560i, HawkEyeIII және RIEGL VQ880G сканерлерімен әуеден лазерлі сканерлеу тәсілін пайдаланудың жаңа мүмкіндігін зерттеуді жалғастыруда.

LeicaGeosystems компаниясы әлемде алғаш рет аэрофототүсірілімнің 4 иілгіш камерасы және 1 надир камерасы бар CityMapper ауқымды әуе сенсорын, сондайақ қалалық картографиялауға арнап жасалған LiDAR жүйесін жасап шығарды. 3D жұмыс істеу пайдаланушылар үшін маңызды нәрсе, өйткені біздің әлеміміз жалпақ емес және көптеген міндеттер талдауға тек zкоординатын қосқанда ғана табысты шешілуі мүмкін. Әуеден лазерлі сканерлеу пайда болғаннан кейін біздің кәсіпорын да көптеген компаниялар сияқты 3D моделдеу - кеңістіктегі объектінің көзге көрінетін көлемді образын әзірлеу, яғни тек көлемді суретті қарап қана қоймай суретпен бірлесіп әрекет ету мүмкіндігін алу үшін әуеден лазерлі сканерлеу мен аэрофототүсірілім үдерістерін біріктіруге қызығушылық танытты.

Қазіргі таңда «Қазгеодезия» РМҚК барлық масштаб қатарындағы цифр­лы мемлекеттік топографиялық карталарды бір уақытта жаңарта отырып жасау үшін «KazEOSat1» отандық ғарыш аппаратымен (ҒА) жоғары мүмкіндігі бар ғарыштан түсіру материалдарымен жасалған жұмысты қолдана отырып Жерді қашықтан зондтау (ЖҚЗ) деректерін картография өндірісіне енгізуде. Саланы дамыту бағыттарының бірі теңіз деңгейін игеру және зерттеу болып табылады. Осы мақсаттар үшін «Қазгеодезия» РМҚК 600 метрге дейінгі тереңдіктегі ішкі су айдындарының, қайраңның топографиялық карталарын, сондайақ цифрлы теңіз навигациялық карталарын жасауға мүмкіндік беретін RESON фирмасының «SeaBat 7125 SV» цифрлы батиметриялық жүйесін қолданып отыр. Батиметриялық түсірілім арқылы су түбінің рельефі мен су балшықтық шөгінділердің қалыңдығы туралы цифрлы деректерді алуға болады. RESON «SeaBat 7125 SV» жүйесі дәлдігі мен батиметриялық түсірілімді орындау өнімділігі бойынша заманауи баламаларынан кем емес. Айта кету керек, геодезиядағы осындай инновациялық технологиялар кез келген күрделілік деңгейіндегі объектілерді зерттеу жағдайын жылдам және тиімді бағалауға мүмкіндік беретін ауқымды қасиеттерге ие.

Кәсіпорынды дамытудың негізгі бағыты топографиялықгеодезиялық және картографиялық өндіріске ГАЖ енгізу және дамыту болып табылады. Осы бағыттағы алғашқы қадам цифрлы форматқа ауысу кезінде жасалды. Цифрлы карталар пайда болғаннан бастап «геоақпараттық жүйе» (ГАЖ) термині пайда болды.

Топографиялықге одезиялық және картографиялық өндіріске инновациялық технологияларды енгізу мақсатында кәсіпорында 2017 жылы кеңістік деректері инфрақұрылымының қанатқақты жобасы жасалып жатыр. ГАЖдың айрықша ерекшелігі әрбір кеңістік объектісінің максималды ақпараттылығын қамтамасыз ету болып табылады. ГАЖдың құрамдас бөлігінің бірі 2D картадан 3D модельге ауы­су болып табылады. ГАЖ қалыптастыру шеңберінде «ArcGIS» мамандандырылған бағдарламасын игеру, сондайақ қалалардың 3D моделін жасау жұмыстары жүргізілуде. «Қазгеодезия» РМҚК мамандары ГАЖ 3D модельдеу енгізу үшін тек үздік шетелдік тәжірибелерді зерттеп жатқандығын ерекше айта кету керек.

Өндірісті цифрландыру басталғалы «Қазгеодезия» РМҚК мамандары оқып, өздерінің біліктіліктерін арттырып жатыр, кәсіпорын ішінде де, одан тысқары шығып та, Ресей Федерациясының ЖОО-да - Қазан Федералды университеті, Сібір мемлекеттік геожүйе және технология университеті, Геодезия және картография орталық ғылымизерттеу институты (Мәскеу) және Берн университетінде (Швейцария) білімін жетілдіруде.

Сондай-ақ кәсіпорынға түрлі бағыттағы мамандар шақыртылып, семинарлар өткізіліп тұрады. Ағымдағы жылы ЖОО ұстаздары мен басқа елдердің мамандарын тартып ірі ауқымды тренингтер өткізу жоспарлануда. Тренингтер кәсіпорын базасында Астана, Алматы және Тараз қалаларында өтетін болады. Оқу тақырыбы - «Топографиягеоде­зия және картография өндірісіне заманауи цифрлы технологияларды енгізу».

Қорытындылай келе, «Қазгеодезия» РМҚК барлық батыл жобаларды іске асыруға дайын және «Цифрлы Қазақстан» мемлекеттік бағдарламасы міндеттеріне жауап бере алатын мақсаттарға қол жеткізетін геодезия және картография саласының көшбасшысы деп толық сеніммен айта аламын.

banner ru

БІЗДІҢ КӘСІПОРЫН ҰСЫНАТЫН ҚЫЗМЕТ ТҮРЛЕРІ

Цифрлы аэротүсірілім

Цифрлы аэротүсірілім

«Қазгеодезия» РМҚК экономика мен өндірістің кең ауқымды міндеттерін шешуге арналған объектілердің алаңы мен кескіндемесі бойынша түрлі цифрлы аэротүсірілімдерді орындайды.

Толығырақ

Картографиялық жұмыстар

Картографиялық жұмыстар

«Қазгеодезия» РМҚК геоақпараттық жүйелерде (ГАЖ) пайдалануға арналған цифрлы карталар мен жоспарлар жасауды қоса алғанда картографиялық жұмыстардың толық кешенін жүзеге асырады.

Толығырақ

Гидрографиялық жұмыстар

Гидрографиялық жұмыстар

Топографиялық
түсірілім
және қайраңдар мен
ішкі су айдындарының
цифрлы топографиялық карталарын
жасау.

Толығырақ

Геодезиялық жұмыстар

Геодезиялық жұмыстар

«Қазгеодезия» РМҚК
кешенді инженерлік
зерттеулер жүргізуде үлкен тәжірибесі, жоғары білікті кадрлар мен заманауи
техникалық әлеуеті
бар.

Толығырақ

Өлшеу құралдарын тексеру

Өлшеу құралдарын тексеру

Жөндеу мен тексеруді осы салада үлкен еңбек өтілі бар жоғары білікті мамандар орындайды.

Толығырақ

ҚР, Астана қаласы, Бөгенбай батыр даңғылы, 3/3; Қабылдау бөлмесі: +7 (7172) 319-701; Кеңсе: +7 (7172) 319-003 (факс);
E-mail:  info@kazgeodeziya.kz
© 2018 «Қазгеодезия» РМҚК Барлық құқықтары қорғалған. https://arctika.kz

Please publish modules in offcanvas position.